Қазақ тілі мен әдебиеті Т2 9 сынып ТЖБ 3-тоқсан
3-тоқсанның жиынтық бағалау «Қазақ тілі мен әдебиеті Т2» 9 сынып
Тоқсандық жиынтық бағалау оқу бағдарламасы мен оқу жоспарының мазмұнына сәйкес, оқушылардың тоқсан барысында меңгерген білім, білік және дағдыларын анықтауға бағытталған.
Тоқсандық жиынтық бағалау оқу жоспарындағы тоқсан ішінде меңгеруге тиісті оқу мақсаттарына жету деңгейін тексереді.
Негізгі орта білім беру деңгейінің 5-9-сыныптарына арналған «Қазақ тілі мен әдебиеті» пәнінен жаңартылған мазмұндағы үлгілік оқу бағдарламасы (оқыту қазақ тілінде емес).
Тапсырмалар түрлері:
КТБ – көп таңдауды қажет ететін сұрақтар
ҚЖ – қысқа жауапты қажет ететін сұрақтар
ТЖ – толық жауапты қажет ететін сұрақтар
Жиынтық бағалаудың құрылымы
Тоқсандық жиынтық бағалаудың нұсқасы 4 компоненттен тұрады. Бірінші компонент – тыңдалым, екінші компонент – оқылым, үшінші компонент – жазылым және тілдік бағдар, төртінші компонент айтылым дағдыларын тексеруге арналған
Қазақ тілі мен әдебиеті Т2 9 сынып ТЖБ 3-тоқсан
«Қазақ тілі мен әдебиеті Т2» пәнінен 3-тоқсан бойынша жиынтық бағалау
тапсырмалары
Тыңдалым
Транскрипт
«Қазақстан – 2050» стратегиясында: «Көмірсутегі шикізатының нарығында ірі ойыншы
бола отырып, біз энергияның баламалы түрлерін өндіруге, Күн мен желдің энергиясын
пайдаланатын технологияларды белсенді енгізуге тиіспіз. Бұл үшін бізде барлық
мүмкіндіктер бар. 2050 жылға қарай елде энергияның баламалы түрлерінің тең жартысы
өндірілуі тиіс», – делінген. Қазіргі кезде Қазақстанда Күн, жел, су энергияларын пайдалану
жоғары деңгейде емес. Мамандардың есебі бойынша, елімізде баламалы энергия көздерінен
өндірілетін энергия жалпы энергияның 1 пайызы ғана екен. Еліміздің жер қойнауы мұнай
мен көмірге, басқа да пайдалы қазбаларға бай болғандықтан, біз энергия тапшылығын көріп
отырған жоқпыз. Бірақ жер қойнауындағы қазбаларымызды шексіз деп айтуға болмайды.
Оның экологиялық зардаптары – жеке мәселе... (Ескерту: кідіріс жасалып, оқушы бірінші
сұраққа жауап беруі керек).
Профессор Ә.Жамалов күн энергиясын пайдалануға байланысты зерттеу жұмысына
жарты ғасырға жуық өмірін арнады. Ташкент қаласында жұмыс істеп жүргенінде ол
баламалы энергия көзін өндіру ісін бастады. Мәскеу қаласының мамандарымен бірігіп, 1000
шаршы метрлік Күн энергетикалық қондырғысын жасады. Осы қондырғымен екі қабатты
ғимаратты жылумен және ыстық сумен қамтамасыз етті. Кейін Алматы қаласына келгеннен
кейін де зерттеу жұмысын жалғастырды. Ол Үлкен Алматы каналын салу құрылысы кезінде
күн энергиясын пайдаланып, тәулігіне 100-ге жуық адамды ыстық сумен қамтамасыз етті.
Өкінішке орай, сол кезде жер қойнауындағы пайдалы қазбалар әлі де жеткілікті
болғандықтан, баламалы энергия көздерін пайдалану қажет болмай қалды.
Ал 2013-2015 жылдары ол зерттеу жұмыстарының грантын жеңіп алды, сөйтіп шағын
су электр стансасын іске қосты. Аталған қондырғы EXPO – 2017 халықаралық көрмесінде
шетелдік мамандар тарапынан өз бағасын алды.
Ол кісі аталған қондырғыны болашақта жел турбинасымен, күн панелімен біріктіріп,
әмбебап баламалы энергия көзін жасауды жоспарлап отыр.
1. Мәтіндегі мәселе бойынша ғалымдардың мақсаты қандай болуы мүмкін?
A. баламалы энергияны күнделікті өмірге енгізу
B. зауыттарға ауа тазартқыш фильтрлер орнату
C. қоқыстарды қайта өңдейтін зауыттар салу
D. балама энергияны зерттеуге грант жариялау
[1]
2. Бос орындарға қажетті сөздер мен сөз тіркестерін қойыңыз.
A. «Қазақстан – 2050» стратегиясында ______________________өндіру мақсаты
қойылады.
[1]
B. Жер қойнауымыз ________________________ бай болғандықтан, біз энергия
тапшылығын көріп отырған жоқпыз.
[1]
C. Профессор ғылыми-зерттеу грантын жеңіп, нәтижесінде _______________________
іске қосты
[1]
3. Сіздің ойыңызша, Стратегияда көрсетілген мақсат 2050 жылға қарай толық жүзеге асады
ма? Неге?
Cкaчaть документ